በ2015 በጀት ዓመት የጤናው ሴክተር የጋራ ውይይት መድረክ ላይ የሴክተሩ የመጀመሪያ ሩብ ዓመት አፈጻጸም ግመገማ እየተደረገ መሆኑን ጤና ቢሮ አስታወቀ

የክትባት አገልግሎት አሰጣጥን በተመለከተ የቅዝቃዜ ሰንሰለቱን የጠበቀና ጥራት ያለው ክትባት በመስጠት የህጻናትን ጤና ማረጋገጥ እንደሚገባ የተናገሩት አቶ እንዳሻው የክትባት አገልግሎት የማይሰጡ የጤና ተቋማት እንዳሉ በማስታወስ ፈጥነው አገልግሎት ሆስፒታሎችን ጨምሮ የክትባት አገልግሎት የሚጀምሩበትን ሁኔታ መፍጠር ይገባል ብለው የስርዓተ ምግብ እጥረት በሽታ ልየታ እና የህክምና አገልግሎት፣ የወባ በሽታን መከላከልና መቆጣጠር፣ የህክምና አገልግሎት አሰጣጥ፣ የማህበረሰብ አቀፍ የጤና መድህን አገልግሎት አሰጣጥ ማሻሻል፣ የደም ባንክ አገልግሎቶች ተግባራትን በተሻለ ሁኔታ መምራት፣ የግብዓት ጥራት ቁጥጥር አፈጻጸም፣ የድንገተኛ አደጋዎች ቅኝትና ምላሽ አንጻር ወቅቱን የጠበቀ መረጃን በመለዋወጥ መረጃን ለውሳኔ የመጠቀም ባህልን ማዳበር በእነዚህ ሀሳቦች ላይ ልዩ ትኩረት መስጠት እንደሚገባ አስገንዝበዋል፡፡ በጋራ ውይይት መድረኩ የ2015 በጀት ዓመት መጀመሪያ ሩብ ዓመት አፈጻጸም እና የተለያዩ ሰነዶች ቀርበው ውይይት ይደረግባቸዋል ተብሎ ይጠበቃል። የዞንና የልዩ ወረዳ ጤና መምሪያና ጤና ጽ\ቤት ሃላፊዎች፣ የልማት ዕቅድ አስተባባሪዎች፣ የክልሉ ጤና ቢሮ ሃላፊዎች የስብሰባው ተሳታፊዎች መሆናቸው ታውቋል፡፡