ehost expert review with uptime

ወሲባዊ ወይም ስነ-ልቦናዊ ጉዳት ውጤት መሆኑና በጋራ ወይም በግል ህይወት ላይ ሊያደርስ የሚችል ማንኛውም አይነት ማስፈራራት፣ ዛቻ፣ ማስገደድ ወይም ጭፍን የነፃነት ገፈፋን ተከትሎ የሚመጣ ጥቃት በመሆኑ ሁሉም ሊከላከለዉ እንደሚገባ በደ/ብ/ብ/ህ/ክ/መ ጤና ቢሮ የስርዓተ ፆታ ደጋፊ የስራ ሂደት አስተባባሪ የሆኑት ወ/ሮ ወሰን ግዛቸዉ ገልፀዋል፡፡ ወ/ሮ ወሰን አያይዘዉም ይህንን ችግር ለመከላከል የሚያስችሉ የንቅናቄ ስራዎችን ታሳቢ በማድረግ የነጭ ሪቫን ቀን በዓለማችን ባሉ አገሮች በተለያዩ ስነ ስርዓቶች በድምቀት የሚከበር እንደሆነ ገልፀዉ፤ ወንዶች አጋርነታቸዉን በመግለፅ ቃል መግባታቸዉን እንዲያረጋግጡ በደረታቸዉ ላይ ነጭ ሪቫን በማድረግ ከሕዳር 16 ጀምሮ ለሁለት ተከታታይ ሳምንታት ቃላቸዉን እንዲያስቡት ይደረጋል ብለዋል የቀኑ አከባበር ዋነኛ ዓላማ ወንዶች በሴቶች ላይ ማንኛዉንም ዓይነት ጥቃት ላለማድረስና ለመከላከል እንዲሁም ጥቃት ሲደርስባቸዉም በቸልታ ላለማለፍ በእኔነት ስሜት አጋርነታቸዉን ቃል በመግባት እንዲገልፁ ለማሳሰብ እንደሆነም ተጠቁሟል:: በዓሉ በዓለማችን ለ28ኛ ጊዜ በአገራችን ለ14ኛ ጊዜ እየተከበረ ያለ በዓል ሲሆን፤ “ ሴቶችንና ህጻናትን ከጥቃት በመጠበቅ ሁላችንም ኃላፊነታችንን እንወጣ” በሚል መሪ ቃል ከህዳር 16 ጀምሮ እስከ ታህሳስ 1 ዓለም አቀፍ የፀረ-ፆታዊ ጥቃት ዘመቻ ቀን በተለያዩ የግንዛቤ ማስጨበጫ ስራዎች እየታሰበ ይገኛል፡፡