ehost expert review with uptime

አያይዘውም የቁጥጥር ዘርፉን በየደረጃው ባለው አመራር ልዩ ትኩረት ተሰጥቶት የቁጥጥር ዘርፉን በፋይናንስ፣ በበጀት፣ በሰው ኃይልና በአደረጃጀት ደግፎ ጠንካራ ስርዓት መዘርጋትና የተቀናጀና ወጥ ፈጥሮ ተጠናክሮ መስራት እንደሚገባ ገልጸዋል፡ የመንግስትም ሆነ የግል የጤና ተቋማት የአገልግሎት ስታንዳርዱን ጠብቀው ያላቸውን የሰው ኃይል፣ የአሰራር አደረጃጀትን በአግባቡ ጠብቀው ለህብረተሱ የሚያቀርቡትን አገልግሎት ከብልሹ አሰራር፣ ከኪራይ ሰብሳቢነት የፀዳ እና ከተለያዩ ህገወጥ እንቅስቃሴዎችና ንግድ የፀዳ አገልግሎት መስጠት ያልተቻለበት ሁኔታም እንዳለ በመጥቀስ ትኩረት ተሰጥቶት መስራት ይገባዋል ብለዋል፡፡ ቀጣይ ከመድሀኒት ጋር በተያያዘ በህገወጥ የመድሃኒት ዝውውር ምክንያት የሚፈጠሩ ችግሮችን የመከላከል ብሎም የማስቆም ስራው በጤናው ሴክተር ብቻ ሳይሆን የተለያዩ ባለድርሻ አካላትን ባሳተፈና በጋራ በመስራት እንዲሁም አጠቃላይ ህዝቡን በማነቃነቅ ህዝቡን የቁጥጥሩ ባለቤት አድርጎ መፍታት እንደሚገባ ተነስቷል፡፡ አዲስ የሙያ ፈቃድ መስጠትና እድሳት በማድረግ ረገድ ጥሩ ውጤት የተመዘገበ ቢሆንም የመንግስት ጤና ተቋማት የሙያ ፈቃድ እድሳት ጋር ያለው ቸልተኝነት አሁንም ያልተቀረፈ ችግር ሲሆን፤ ችግሩን ለመቅረፍ ህጋዊ ፈቃድ ያላወጡ/ያላደሱ ጤና ተቋማት የመድሀኒትና የህክምና መገልገያ መሳሪያዎችን እንዳያገኙ በማድረግ ዕርምጃ በመውሰድ ወደ ዕድሳት መምራት እንደሚቻል በጤና ቢሮ አዲስ የአሰራር አቅጣጫ ተቀምጦ ተግባራዊ መደረግ መጀመሩን የቁጥጥር ባለስልጣኑ ገልጿል፡፡ የቁጥጥር ባለስልጣኑ በመንግስት ሆስፒታልና ጤና ጣቢያ ላይ ወደዚህ አስገዳጅ አሰራርና በዕውቅና ላይ የተመሰረተ አሰራር የገባው በተደጋጋሚ በተቋማቱ በተደረጉ የስራ ጉብኝቶች ተቋሙን ወደ ተሻለ ደረጃ በማሳደግ መስራት የሚገባ ስለመሆኑ ድጋፍ ቢደረግም በህጋዊ መንገድ ወደ መስራት መግባት ባለመቻላቸው ወደ ዕርምጃ መገባቱ ተገልጿል፡፡ በተጨማሪም በየደረጃው የሚታሸጉ የለስላሳ መጠጦችና የተዘጋጁ ምግብና ምግብ ነክ ሸቀጦች በአግባቡ የመያዝ፣ የማጓጓዝና ለተጠቃሚው ህብረተሰብ የማቅረብ ሂደት ላይ ችግሮች የሚያጋጥሙ በመሆኑ የተጀመረው የዕርምት ዕርምጃ መውሰድ አሁንም ተጠናክሮ የሚቀጥል እንደሆነም ባለስልጣን ተቋሙ ገልጿል፡፡ በአሁኑ ወቅት የህክምና ስህተት በሚልና የመሳሰሉት የመልካም አስተዳደር ጥያቄዎች እየተበራከቱ የመጡ ስለሆነ ከትራንስፎርሜሽን አጀንዳዎች አንዱ የሆነውን የጤና ባለሙያው ስነ-ምግባር የተላበሰና ሩህሩህ ተንከባካቢና ተገልጋይ አክባሪ ስለመሆኑ ስታንዳርዱን ጠብቆ ማስረጃ የሚያቀርብበትን አሰራር ማለፍ ካልቻለ በስተቀር የባለሙያ ፍቃድ የማውጣትም ሆነ የማደስም ሂደት ችግር ሊያጋጥመው ስለሚችል እየሰጠ ያለውን አገልግሎት መፈተሽ ያስፈልገዋል። በቀጣይ ጠንካራ የቁጥጥር ስርዓት በመዘርጋት የጤና ቁጥጥር ስራውን በተደራጀ የጤና ልማት ሰራዊት ተግባራዊ በማድረግ የህብረተሰቡን የጤና ቁጥጥር እርካታ ማሳደግና የህብረተሰቡን የቁጥጥር ባለቤትነት ማሳደግ፤ እንዲሁም የጤና ተቋማት የውስጥ ጥራት ማረጋገጥ ፣ የአገልግሎት አሰጣጥ ግልጽነትና ቅሬታ አቀራረብ ስርዓት ማጠናከር እንደሚገባ ተገልጿል።